السلام عليكم ورحمة الله
عن ماعزالبور اتحدث
النتائج
تحدثنا فى موضوع سابق عن ان التهجين علم بحره عميق جدا فلم ناخذ منه سوى ماتعلمناه بالممارسه والخبره
موضوعنااليوم سنتكلم فيه بالتفصيل عن الجيل الاول والجيل الثانى والفرق بينهما
الجيل الاول
هو تهجين تيس من ماعزالبور على سلاله اخرى مختلفه ايا كانت السلاله فهى جيل اول يشمل ماعزالبور والسلاله الاخرى
النتائج
النتيجه اى نسبة تيس البور كام % فى المولود الكلام العلمى اللى قالوه الدكاتره المتخصصين من 40 الى 50%لكن العملى اوالممارسه حاجه تانيه خالص ازاى اقول لحضرتك اوقات تطلع النسبه زى ماقالوالدكاتره واوقات تعدى النسبه والمفاجاه انك ممكن تجيب البيور من اول جيل
مواصفاته بياخد شعرة البور القصيره ماعدا مناطق محدده كالساق الخلفيه تجدالشعرالكثيف نسبة للام
الجيل الثانى
هوانتاج الجيل الاول بشرط تكون عملية التهجين صحيحه بمعنى ان يكون تيس ماعزالبور فى عملية التهحين مختلف عن من قام بعملية التهجين السابقه فى الجيل الاول كى تعطى نتائج جيده ويكون الدم الوراثى متغير ومفتوح
النتائج
والنسبه العلميه تكون من 60%الى75% مع مراعاة ماذكرت سابقا فى الجيل الاول ايضا ممكن النسبه تتخطى كل التوقعات
مواصفاته بيكون ابتدى ياخذ جسم وتكوين ماعزالبور واحيانا لن تجد الشعرالكثيف فى الساق الخلفيه لقربه اكثر من نسبة ماعزالبور
ممكن حضرتك تسالنى سؤال ومنين تعرف النسبه وتحددها كمان
هنا مجال الخبره والممارسه بيلعب دوره هوضح كمان بمعنى
بحكم ممارستى وخبرتى سنين فى مجال تهجين ماعزالبور اقول لحضرتك مواصفات البور الراس اوالجمجمه الكبيره الانف الانسيابى العين البنى عسلى الرقبه الغليظه القصيره فتحة الصدر الواسعه الساق الاماميه لاتتعدى35سم والساق الخلفيه ازيد بقليل جدا شاسيه الظهر عريض
طبعا بعمل للمولود مطابقه للمواصفات اللى ذكرتها اشوف جاب ايه ومجابش ايه من هنا بقدر احدد النسبه
والى معلومه اخرى باذن الله
دمتم بخير
والسلام عليكم ورحمة الله وبركاته
تعليقات
إرسال تعليق
سيتم الرد